یہ دعویٰ غلط ہے۔ ویڈیو کلپ دراصل آرٹیفیشل انٹیلیجنس (AI) ٹولز کی مدد سے تیار کیا گیا ہے۔

دعویٰ

25 نومبر کو ایک صارف نے X (سابقہ ٹوئٹر) پر 8 سیکنڈ کی ویڈیو شیئر کی، جس میں بظاہر وزیراعلیٰ مریم نواز شریف کا ایک بلند و بالا مجسمہ مصروف چوراہے پر دکھائی دے رہا ہے۔ صارف نے ویڈیو کے ساتھ اردو کیپشن دیا: ”وزیر اعلیٰ پنجاب کا شاہکار مجسمہ تکمیل کے آخری مراحل میں۔“

مشابہ ویڈیوز ٹک ٹاک پر بھی یہاں، یہاں اور یہاں وائرل ہوئی ہیں۔

حقیقت

آن لائن گردش کرتی یہ ویڈیو عوامی طور پر دستیاب آرٹیفیشل انٹیلیجنس (اے آئی) کے ٹولز استعمال کر کے بنائی گئی ہے اوریہ پنجاب کی وزیرِ اعلیٰ مریم نواز شریف کے کسی حقیقی زیرِ تعمیر مجسمے کو نہیں دکھاتی۔

نجی میڈیا چینل کے فیکٹ چیک نے اس کلپ کی صداقت کے لیےآرٹیفیشل انٹیلیجنس (AI) پر مبنی مواد جانچنے کے ٹول، ہائیو ماڈریشن (Hive Moderation) کا پلیٹ فارم استعمال کیا۔

ہائیو ماڈریشن نے ویڈیو کو 99.9 فیصد کا مجموعی اسکور دیا، جو ظاہر کرتا ہے کہ یہ کلپ اے آئی سے بنائی گئی یا اس میں ڈیپ فیک مواد موجود ہے۔